YAP Qadınlar Şurasının üzvləri və sahibkar qadınlar da Gəncədə erməni vandallığının izləri ilə tanış olublar. Beynəlxalq hüququn ayaq altına alaraq mülki infrastrukturun hədəf alınması və dinc sakinlərin qətlə yetirilməsi düşmən ölkənin faşist niyyətinin təzahürü olaraq dəyər alıb. Yaşından və cinsindən asılı olmayaraq gecə saatlarında hərbi infrastruktur olmayan ərazinin qadağan edilən raketlə vurulması soyqırıma bərabər tutulub. Dağılan evlər, yararsız hala düşən sosial və ticarət obyektləri, təlim-tərbiyyə müəssiəsləri qadın ziyarətçilərdə dərin izlər buraxıb.