Göygöldə  quldurluq etməkdə şübhəli bilinən şəxslər saxlanılıb. Onlar rayon ərazisindəki evlərdən birinə daxil olaraq pul və qızıl tələb edib, ev sahiblərinə bıçaqla müxtəlif  dərəcəli xəsarətlər yetiriblər.

Göygöl  Rayon Polis Şöbəsinə müraciət edən Qızılqaya qəsəbə sakini Fikrət Əliyev yaşadığı evə qanunsuz daxil olan 2 nəfər maskalı şəxsin ona zor tətbiq edərək  pul  və qızıl-zinət əşyaları tələb etdiklərini, özünə və yoldaşı İradə Əliyevaya bıçaqla çoxsaylı bədən xəsarətləri yetirdiyini bildirib. Polis əməkdaşları dərhal əməliyyata başlayıblar. Quldurluqda şübhəli şəxslər saxlanılıblar.

Quldurluq əməlini törədən şəxslərin əvvəllər dəfələrlə məhkum olunmuş Həmid Abdullayev və Azər  Səmədov olduqları müəyyən edilib. Hər iki şəxs törətdikləri əməli etiraf edərək əvvəlcədən planlaşdırdıqlarını bildirib, hadisənin törədilməsində istifadə olunan 1 ədəd tapançaya bənzər alışqanı istintaqa təqdim ediblər.

Faktla bağlı Göygöl Rayon Polis Şöbəsində araşdırmalar davam etdirilir.