Erməni silahlı qüvvələrinin oktyabrın 17-də törətdikləri təxribat nəticəsində Gəncə şəhərinə dəymiş ziyan müəyyənləşdirilir. İlkin hesablamalara görə, hadisə nəticəsində 20 ev ermənilərin atdıqları raket zərbəsindən tam dağılıb. Bundan başqa, şəhərdə 4 uşaq bağçası, 1 orta məktəb və bir poliklinikaya ciddi ziyan dəyib. Hazırda hadisə nəticəsində zərər çəkən digər ev və obyektlərlə bağlı araşdırmalar davam etdirilir. Hadisə nəticəsində zərər görən yaşayış evləri və digər mülki obyektlərin sayı daha çoxdur.