Azərbaycanın ərazi bütövlüyünə riayət etmək zəruridir. Bunu İran hökumətinin sözçüsü Əli Rəbii keçirdiyi brifinqində deyib. Əlavə edib ki, Azərbaycanın ərazi bütövlüyünün tanınması və buna riayət olunmasının vacibliyi ilə əlaqədar İranın mövqeyi tamamilə aydındır:"İran hökuməti indiyədək dəfələrlə BMT qətnamələri və beynəlxalq hüquq çərçivəsində Azərbaycanın qanuni haqqını vurğulayıb".