Ermənilərin mülki yaşayış məntəqələrində atəş nöqtələri yaratması ilə bağlı növbəti fakt üzə çıxıb. Azərbaycan ərazisinə qabaqcadan təxribata hazırlaşan İrəvan rəhbərliyi hələ avqust ayında Xankəndi şəhərində, yaşayış binalarının arasında “Kruq” zenit-raket kompleksi yerləşdirib. Kompleks 3 kilometrə qədər yüksəklikdə, 9-10 kilometrə qədər uzaqlıqda hədəfi vura bilir. Kompleksin döyüşlərdən 1 ay öncə Xankəndinə yerləşdirilməsi düşmən tərəfinin qabaqcadan hərbi təxribata hazırlaşmasından xəbər verir.