“Azərbaycan və Ermənistan arasında hərbi əməliyyatların bərpasından çox narahatam”. Bunu Gürcüstan prezidenti Salome Zurabişvili rəsmi “Twitter” hesabında yazıb. “Biz tərəfləri barışığa çağırırıq. Bölgəmizdə sabitlik və sülh bizim ortaq işimiz olmalıdır”, - dövlət başçısı qeyd edib. Gürcüstanın Xarici İşlər Nazirliyinin bəyanatında isə qeyd olunub ki, Gürcüstan tərəflər arasında atəşkəs haqqında razılığın əldə olunacağına ümid edir. XİN ATƏT-in Minsk Qrupu və beynəlxalq təşkilatları eskalasiyanı dayandırmaq və konstruktiv dialoqa nail olmaq üçün bütün səyləri səfərbər etməyə çağırıb: “Gürcüstan bölgədə deeskalasiya və sülhü təşviq etməyə hazırdır”.