“Virus riskindən qorxaraq övladlarını məktəbə göndərməyə ehtiyat edən valideynlərin mənafeləri nəzərə alınıb”. Təhsil Nazirliyinin şöbə müdiri Vəfa Yaqublu deyib ki, belə valideynlər məktəb rəhbərliyinə yaxınlaşaraq xüsusi iltizam formasına qol çəkməlidirlər: “Bu, məlumatlandırma və öhdəliklər haqqında xüsusi formadır. Öhdəliklərdə şagirdlərin virtual dərslərdə iştirakına, teledərslərə baxmasına, müəllim tərəfindən verilən tapşırıqları vaxtlı-vaxtında yerinə yetirməsinə, məktəbdə müntəzəm keçiriləcək kiçik və böyük summativ qiymətləndirmələrdə iştirakına təminat verilir. Öhdəliklərə əməl edilməsə, bu cür şagirdlər sinifdə qalmaq təhlükəsi ilə üzləşəcəklər.