Gəncədə mini-futbol üzrə şəhər turniri təşkil olunub. Yarış Tovuz rayonu istiqamətində gedən döyüşlər zamanı şəhid olan general-mayor Polad Həşimovun əziz xatirəsinə həsr edilib. Mükafatlar uğrunda mübarizəyə müxtəlif idarə, müəssisə və təşkilatların həvəskar futbolçulardan ibarət komandaları qoşulub. Turnirdə 8 kollektiv çıxış edir. Oyunlar olimpiya sistemi üzrə keçirilir.