Cəlilabad Rayon Polis Şöbəsi əməkdaşlarının keçirdikləri əməliyyat nəticəsində şəhər ərazisində yerləşən “Habil” kafesinin karantin rejiminin qaydalarına zidd olaraq fəaliyyət göstərdiyi müəyyən olunub. Obyekti icarə əsasında işlədən Yusif Hüseynov və 2 nəfər müştəri saxlanılıb. Onlarla profilaktik söhbətlər aparılıb, karantin rejiminin qaydaları və tələbləri izah edilib. Barələrində İnzibati Xətalar Məcəlləsinin müvafiq maddəsi ilə tədbir görülüb.