Azərbaycan Texnologiya Universitetinin təşəbbüsü ilə Rusiya, Gürcüstan, Ukrayna, Özbəkistan, İordaniya kimi bir neçə dövlətin ali məktəbləri arasında videokonfrans formatında görüş keçirilib. İştirakçılara UTECA haqqında geniş məlumat verilib. Həmçinin Ermənistanın Azərbaycana qarşı təcavüzündən danışılıb. Erməni qəsbkarlarının hücumlarına son qoyulması və işğalçılıq siyasətinin dayandırılması tələb olunub. Universitetlərarası əməkdaşlıq müqavilələrinin imzalandığı videokonfransda gələcəkdə ali məktəblərin əməkdaşlıq ittifaqının yaradılması təklif olunub. Növbəti görüşün Azərbaycan Texnologiya Universitetinin 50 illik yubileyinə həsr edilməsi barədə razılığa gəlinib.