Göygöl polisi də rayon ərazisində karantin rejiminə əməl olunması ilə bağlı reyd keçirib. Mağazalarda və ictimai nəqliyyatdakı vəziyyət yoxlanılıb, sakinlərlə maarifləndirici söhbətlər aparılıb.

Rayondaxili avtobuslarda sərnişinlərə koronovirus infeksiyasının təhlükəsi barədə məlumat verilib, hər kəsin öz məsuliyyətini dərk etməsinin önəmi diqqətə çatdırılıb. Ölkədə yoluxma sayı azalsa da, arxayınlaşmamaq və karantin rejiminin qaydalarına ciddi əməl etmək tövsiyə olunub.

Reyd avqustun 10-dan fəliyyətinə icazə verilən obyektlərdə davam edib. Sahibkarlar və satıcılara mütləq qaydada karantin rejiminə əməl etməyin vacibliyi vurğulanıb, yoluxmanın sayının artmaması üçün daha da diqqətli olmaq, tövsiyə olunub, alıcıların və satıcıların tibbi vasitələrdən istifadə etməsi tapşırılıb.

Mağaza sahibləri öz növbələrində müştəriləri müvafiq qaydada maarifləndirdiklərini və qaydalara əməl edilməsi üçün nəzarəti gücləndirdiklərini deyiblər.

Göygöl polisi mütəmadi olaraq analoji reydlərin təşkilini nəzərdə tutur.