Bu gün xaricdən gələn ümumilikdə 215 nəfərdən ibarət tibbi heyət həkimlərimizlə bərabər koronavirusla mübarizə üzrə fəaliyyət göstərir. Bu müxətəssislər Türkiyə, Rusiya, Çin, İtaliya və Kubadandır. Bunu Prezident İlham Əliyevin ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı küçirdiyi videoformatda müşavirə zamanı Baş Nazir Əli Əsədov deyib. Yüngül formada xəstələnən vətəndaşlar xəstəxanada yox, ev şəraitində, poliklinikaların sahə həkimlərinin gündəlik nəzarəti altında müalicə alırlar. Ölkə üzrə 87 poliklinikada bu nəzarət funksiyası yaradılıb.