Şəmkirin Posanlı kəndində yol-nəqliyyat hadisəsi baş verib. Hərkətdə olan “VAZ 2106” markalı minik maşını ilə “Niva” markalı avtomobil toqquşub. Qəza zamanı iki nəfər xəsarət alaraq xəstəxanaya yerləşdirilib. Xəsarət alanlar 57 yaşlı  Rafiq Hümbətov və onun həyat yoldaşı 51 yaşlı Təranə Hümbətovadır. Onların vəziyyətinin orta-ağır olduğu bildirilir. Faktla bağlı araşdırma aparılır.