Ehtiyata və ya istefaya buraxılmış hərbi qulluqçulara hərbi xidmətlə əlaqədar müəyyən edilən əlillik səbəbləri sırasına Azərbaycanın müstəqilliyinin və konstitusiya quruluşunun müdafiəsi ilə əlaqədar əlillik səbəbləri daxil edilib. Keçmiş SSRİ-nin müdafiəsi ilə əlaqədar əlillik isə bu səbəblər sırasından çıxarılıb. Qərar mayın 14-dən qüvvəyə minib. Ölkədə irsi qan xəstəliyi olan 18 yaşına çatanadək sağlamlıq imkanlarının məhdudluğu müəyyən edilən 18 yaşından yuxarı əlilliyi olan şəxslərə əlillik müddətsiz müəyyən ediləcək.