Kamran Əliyev Baş prokurorun müavini - Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəisi vəzifəsindən azad edilərək Azərbaycan Respublikasının Baş prokuroru təyin edilib. Dövlət başçısı Böyük Vətən müharibəsi iştirakçılarının “Böyük Vətən müharibəsində Qələbənin 75 illiyi” Azərbaycanın yubiley medalı ilə təltif edilməsi haqqında da sərəncam imzalayıb. Medalla 1941–1945-ci illər Böyük Vətən müharibəsi cəbhələrində döyüş əməliyyatlarında iştirak edən, faşist işğalçılarına qarşı gizli mübarizə aparan, arxa cəbhələrdə çalışan, həmin dövrdə SSRİ Silahlı Qüvvələrində xidmət edən şəxslər təltif olunacaqlar.