Gəncədə küçələrin asfaltlanması işləri bərpa edilib. İlk olaraq işlər şəhərin su və kanalzasiya xətlərinin çəkilişi yekunlaşan ərazilərində aparılır. Çexov, İsrafil Məmmədov, Əkbər Babayev küçələrində normal hərəkət təmin edilir. Artıq ilk asfalt qatının çəkilişi yekunlaşmaq üzrədir, piyadaların hərəkət etdiyi səkilər də yenidən qurulur. Sadalanan küçələrdə işlər başa çatdıqdan sonra digər ərazilərin də mərhələli şəkildə asfaltlanmasına başlanılacaq.

Samir Məmmədov - sakin: Özümün maşınım var, işə gedib gəlirəm. Yollar bərbad vəziyyətdə idi. İndi yaxşıdır, sağ olsunlar yollarımızı yaxşı bərpa edirlər.

Orxan Abbasov - sakin: Qabaqlar gedib gəlmək olmurdu. Maşınlarımız qırılırdı, pis gündə idi. İndi asfaltlanır, rahatçılıqdı. Çox sağ olsunlar.

Ceyhun Bediyev - sahə rəisi: Xır verilir, təmizlənilir. Müəyyən şübhələndiyimiz yerlərə balans verib bərkidirik. Ardından birinci qat asfalt vurub sonra ikinci qat asfalt tökürük. Dədə Qorqud küçəsində ikinci qat asfaltı vururuq. Həmçinin Kimyaçılar küçəsində də qredeylərimizlə bərkitmə işlərini edir.