Son günlər havanın yağmurlu keçməsi kənd təsərrüfatının bəzi sahələrinə müsbət təsir etsə də, meyvəçilik üçün eyni sözləri demək olmaz. İntensiv yağan yağışlar nəticəsində məhsuldarlığa ciddi ziyan dəyə bilər. Bu barədə vacib əhəmiyyət kəsb edən materialımızı izləyə bilərsiz.

Bu sadalananlar meyvəçiliyə zərər verən problemlərdən sadəcə bir neçəsidir. Aqronomlar təbiətin şıltaqlığının meyvəçilik təsərrüfatında başqa xəstəliklərə də səbəb olacağından narahatdırlar. Ancaq qabaqlayıcı tədbirlər vaxtında görülsə, fermerlər maksimum az ziyan edərlər.

Aprel ayına xas olan yağıntılar bitdikdən dərhal sonra fermerlərin dərmanlama işlərinə başlaması məsləhət görülür. Belə olan halda məhsuldarlıq da aşağı düşməz.

Soyuq hava şəraiti tingçilikdən də yan keçməyib. Əsasən dağlıq ərazilərdə becərilən meyvə şitillərinə şaxta təsir edir ki, bunun da bir sıra həll yolları var.

Bütün bunlara baxmayaraq yağıntı kənd təsərrüfatının digər sahələrinə müsbət təsir edir. Bu mənada taxılçılıq və maldarlıqda önəmli yer tutan otlaq ərazilərinə yağan yağışın xeyri böyükdür.