Koronavirus pandemiyasına qarşı mübarizə çərçivəsində bir sıra idxal məhsullarının Əlavə dəyər vergisindən azad olunması nəzərdə tutulur. Bu barədə məsələ İqtisadiyyat Nazirliyinin hazırladığı Pandemiyadan zərər çəkmiş sahələrdə fəaliyyət göstərən sahibkarlıq subyektlərinə vergi güzəştləri və tətilləri mexanizmində qeyd olunur. Bura tibbi avadanlıqlar və tibbi aksesuarlar, habelə əhalinin ərzaq ehtiyaclarının təmin edilməsi ilə bağlı bəzi ərzaq növləri, o cümlədən uşaqlar üçün qida məhsulları aiddir.