Rusiya höküməti  koronavirus təhlükəsi ilə əlaqədar martın 18-dən etibarən xarici vətəndaşların ölkəyə daxil olmasının məhdudlaşdırılması haqqında qərar qəbul edib. Qadağa may ayının 2-nə kimi qüvvədə qalacaq. Məhdudiyyət səfirlik və konsulluqların əməkdaşlarına, beynəlxalq nəqliyyatda yük daşıyan avtomobil sürücülərinə, hava, dəniz və çay gəmilərinin ekipaj üzvlərinə, qatar briqadalarının üzvlərinə şamil olunmayacaq. Bundan başqa Rusiyada yaşamağa icazəsi olan əcnəbilərə qadağa aid deyil.