Göygöl rayonunda üç nəfərin xəsarət alması ilə nəticələnən ağır yol-nəqliyyat hadisəsi baş verib. Qəza rayonun Yeni Zod kəndi ərazisində qeydə alınıb. Hərəkətdə olan “Niva” markalı avtomobil idarəetmədən çıxaraq aşıb. Nəticədə sürücü və iki sərnişin xəsarət alaraq xəstəxanaya yerləşdirilib. Yaralılardan birinin vəziyyətinin ağır olduğu bildirilir. Fakt araşdırılır.