Gəncədə Art Garden qallereyasında Avropa Ittifaqının Şərq Tərəfdaşlığı proqramının 10-cu ildönümü münasibətilə film festivalı keçirilib. “3d IMAGINE Euro Tolerance” festivalı Gəncədə ilk dəfə reallaşıb. Tədbir iştirakçıları rejissor Andres Lübbertin fərqlilik və tolerantlıq mövzusunda “Mariçive” filmi ilə tanışlıqdan sonra fikirlərini bölüşüblər. Festival Avropa İttifaqının Azərbaycandakı nümayəndəliyi, İttifaqa üzv dövlətlərin, eləcə də Argentina, Kolumbiya, Meksika, Moldova, İsrail və İsveçrə səfirlikləri nümayəndələrinin iştirakı ilə keçirilib. Tədbir mayın 15-dək davam edəcək.