Şəmkirdə xəsarətlə nəticələnən yol-nəqliyyat hadisəsi baş verib. Qəza Bakı-Qazax magistralının rayonun Düyərli kəndi ərazisindən keçən hissəsində qeydə alınıb. İlkin məlumata görə, “VAZ 2107” markalı iki avtomobilin toqquşması nəticəsində 10 nəfər müxtəlif dərəcəli bədən xəsarətləri alıb. Yaralılardan 5-i Şəmkir, 5- isə Tovuz MRX-yə yerləşdiriliblər. Vəziyyətlərinin orta ağır olduğu bildirilir. Fakt araşdırılır.