Bu gün günorta saatlarında Bakı-Qazax avtomagistralının Şəmkir rayonunun ərazisindən keçən hissəsində ölümlə nəticələnən yol nəqliyyat hadisəsi baş verib. Şəmkirdən Gəncə istiqamətinə hərəkətdə olan Mercedess markalı avtomobil VAZ 2107 markalı nəqliyyat vasitəsi ilə toqquşub. Qəza nəticəsində VAZ-ın sürücüsü, Gəncə sakini 31 yaşlı Vüsal Nağıyev hadisə yerinə dünyasını dəyişib. Digər avtomobildə olan sərnişinlər - 32 yaşlı Nigar Hacıyeva və 6 yaşlı övladı xəstəxanaya yerləşdirilib. Hadisənin başvermə səbəbləri araşdırılır.