Paytaxtın Xətai rayonu ərazisində yerləşən mağazalardan birindən oğurluq edilib. Zərərçəkən obyekt sahibi 37-ci Polis Şöbəsinə müraciət edərək bildirib ki, marketdən 250 manat, danışıq kartları və tütün məmulatları naməlum şəxslər tərəfindən götürülüb. Xətai Rayon Polis İdarəsi 37-ci Polis Şöbəsi əməkdaşlarının keçirdikləri əməliyyat-axtarış tədbiri nəticəsində cinayəti törətməkdə şübhəli bilinən əvvəllər məhkum olunmuş Rəşad Bayramlı və Kürdəmir rayon sakini Nicat Yunusov saxlanılıblar. Onlar ifadələrində əməllərini etiraf ediblər. Saxlanılan şəxslərin ətraflarında aparılan əlavə əməliyyat tədbirləri ilə rayon ərazisində əlavə olaraq 9 mağazadan, 2 həyətyanı sahədən, 2 saxlanc yerindən və 1 avtomobildən pul, tütün məmulatları və məişət əşyaları oğurluq etdikləri məlum olub. Faktlarla bağlı cinayət işi başlanılıb.