Gəncədə bir qrup gəncin əl işlərindən ibarət rəsm nümunələrinin sərgisi keçirilib. Sərgidə gənc xanım və bəylərin müxtəlif mövzularda yaratdıqları sənət işləri nümayiş olunub. İştirakçılar arasında ali məktəb tələbələri və şagirdlər də yer alıb. Ümumilikdə, 20-yə yaxın gəncin iştirak etdiyi sərgidə 50-yə yaxın incəsənət nümunəsi sərgilənib. İstedadlı gəncləri üzə çıxarmaq məqsədi daşıyan sərginin davamlı olacağı gözlənilir.