Azərbaycanda immunlaşdırma həftəsi keçiriləcək. Aprelin 24-dən 30-dək hər hansı səbəbə görə immunlaşdırmadan kənarda qalan uşaqlar “İmmunlaşdırma həftəsi” ərzində peyvəndləməyə cəlb ediləcək. Ümumdünya Səhiyyə Təşkilatının dəstəyi ilə həftə ərzində peyvəndlərlə əhatə səviyyəsinə nəzarət məqsədilə respublikanın rayonlarında monitorinqin keçirilməsi, əhalinin bu barədə maarifləndirilməsinin təminatı kimi mühüm məsələlər də Səhiyyə naziri Oqtay Şirəliyevin imzaladığı əmrdə öz əksini tapıb.