Gəncə Qarnizonu Zabitlər Evininin təşkilatçılığı ilə Vətənpərvərlik həftəsi çərçivəsində Cəmşid Naxçıvanski adına Hərbi Liseyin gənc kursantları Gəncəyə ekskursiyaya gəliblər. Ekskursiya zamanı kursantlar ölkənin ikinci böyük şəhərindəki muzey və tarixi yerləri ziyarət edib və yaxından tanış olublar: Gəncə xanı Cavad xan məzarı, “Gəncə Tarix Diyarşünaslıq Muzeyi”, İsrafil Məmmədovun Ev Muzeyi, Azərbaycan Xalq Cümhuriyyəti muzeyi, Gəncə Qala Qapıları – Arxeologiya və Etnoqrafiya Muzeyi Abidə Kompleksi, Nizami muzeyi və “Nizami məqbərəsi” səyahət edilən yerlər olub. Şəhərin tarixi ilə bağlı əldə etdikləri məlumatlar gənc kursantlarının tarixi biliklərini daha da zənginləşdirib.