Gəncənin Avropanın idman şəhərinin titulu təqdimatı üçün Nizami yurdunda olan gənclər və idman naziri Azad Rəhimov bu il 60 yaşı tamam olan "Kəpəz" futbol klubunun gələn mövsüm Azərbaycan Premyer Liqasında iştirakı məsələsinə də toxunub. Ölkənin ən titullu klublarından sayılan sarı-göylər ötən mövsüm Premyer Liqada sonuncu yer tutaraq 1-ci diviziona düşüb. Son günlər komandanın elitaya qayıdışı gündəmin əsas müzakirə mövzularındandır.