Prezident İlham Əliyev Gəncə şəhərində abadlıq-quruculuq işlərinin davam etdirilməsi haqqında Sərəncam imzalayıb. Sənədə əsasən, 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Şəhər İcra Hakimiyyətinə 11 milyon manat ayrılıb. Vəsaitin 4 milyon manatı küçələrin əsaslı təmiri, 1 milyon manatı işıqlandırma sistemlərinin yenilənməsi, 6 milyon manatı isə əhaliyə kommunal xidmətlər göstərilməsi sahəsində istifadə olunan maşın və mexanizmlərin alınması üçün nəzərdə tutulub.