Goranboy polisi narkotik vasitələrin qanunsuz dövriyyəsinə qarşı növbəti uğurlu əməliyyatını keçirib. Polis bu dəfə “Doktor” ləqəbli narkotaciri saxlayıb.

Goranboy rayon polis şöbəsi əməkdaşlarının keçiridikləri əməliyyat-axtarış tədbirləri nəticəsində Dəliməmmədli şəhər sakini əvvəllər məhkumluq həyatı yaşayan 52 yaşlı Rauf Niftəliyev yaxalanıb. Onun üzərindən külli miqdarda heroin aşkarlanaraq götürülüb.

Gündüz Yusifov müstəntiq: Rayonun Dəliməmmədli şəhər sakini Niftəliyev Rauf Pənah oğlu Dəliməmmədli şəhəri əraziisndə saxlanılaraq şöbəyə gətiirlib . Şöbədə onun üzərinə şəxsi axtarış keçirilərkən əynində ki, gödəkçinin cibindən 4,4 qram narkotik vasitə olan heroin aşkar edilərək götürülüb. Hazırda onun barəsində cinayət işi başlanılıb. İstintaq aparılır.

Saxlanılan Rauf Niftəliyev uzun müddətdir narkotik aludəçisi olduğunu və heroini də Bakı şəhərində tanımadığı şəxsdən öz istifadəsi üçün aldığını deyib.

Rauf Niftəliyev saxlanılan şəxs: Heç neçəyə satası deyildim. 20 yanvarda qaraçı qızdan 160 manata almışdım. Özüm qəbul edirəm. Elə peşmanam ki niyə peşman deyiləm. Özünü bədbəxt edən insan necə olmalıdır.

Hazırda Rauf Nifətliyevin narkotik vasitəni əldə etdiyi dəqiq mənbəyin müəyyən edilməsi istiqamətində əməliyyat-axtarış tədbirləri davam etdirilir.

Natiq Hüseyn