Siyəzən rayonunda qətl baş verib. Hadisə rayonun Qarasiyəzən yaşayış massivində qeydə alınıb. Belə ki, Siyəzən rayon sakinləri - Elşən Qədirli və Asim Abdulov arasında qəbiristanlıq ərazisində mübahisə yaranıb. Abdulovun odlu silahdan açdığı atəş nəticəsində Elşən Qədirli dünyasını dəyişib. Hadisəni törədən şəxs Siyəzən rayon Polis şöbəsinin əməkdaşları tərəfindən saxlanılıb. Faktla bağlı Siyəzən Rayon Prokurorluğunda cinayət işi açılıb, araşdırma aparılır.