Azərbaycan Texnologiya Universitetində qış imtahan sessiyasının gedişini izləmək üçün media-tur təşkil edilib. İmtahan sessiyası müddətində yarana biləcək neqativ halları dərhal araşdırmaq və müvafiq tədbirlər görmək, sessiyanın normativ tələblərə uyğun keçirilməsinə kömək etmək üçün xüsusi mərkəz yaradılıb. Əsas məqsəd şəffaflıq və obyektivliyin dayanıqlılığını təmin etməkdir. Yanvarın sonuna qədər davam edəcək imtahanlarda 2500 yaxın UTECA tələbəsi iştirak edəcək. Kompüter vasitəsilə test üsulu ilə götürülən imtahanların qiymətləndirilməsi elektron qaydada aparılır və nəticələr dərhal məlum olur.

Fidan Aslanova tələbə: İmtahana girdiyimiz zaman biraz həyacanlandıq. Bundan sonra sualları görəndə çox asan olduğunu gördük. Çünki müəllimlərimiz bizə o qədər gözəl təhsil veriblər ki, suallarda bizə asan gəlir. Mən çox təşəkkür edirəm ki, dövlətimiz bizə yaxşı təhsil almaq üçün beləşərait yaradıb.

Arzu Kazımov valideyn: övladımın imtahanları ilə əlaqədar burada iştirak etdim. İmtahanların çox şəffaf və obyektiv keçirildiyini gördüm. Bununla bərabər burada oxuyan uşaqların vaxtında nəzəri biliyə düzgün yiyələnməsi, bu gün keçirilən imtahanların yüksək səviyyədə kekməsinə səbəb olur.  Mənim övladım artıq verdiyi 5 imtahanın 4-dən kompüter vasitəsi ilə 80 dən yuxarı bal toplayaraq keçibdir.