Lamborghini şirkəti markanın əsl pərəstişkarını tapıb ona qeyri-adi hədiyyə təqdim edib. Lamborghini oyuncaqlarından başqa heç nə almaq istəməyən oğlan Aventador SVJ superkarında əyləşmək imkanı əldə edib. Əvvəlcə mağazaya növbə ilə müxtəlif uşaqlar daxil olur. Onların hamısı Lamborghini oyuncağı istəsələr də mağaza sahibi bütün maşınların satıldığını deyir. Amma əvəzində daha yaxşı təklifi olduğu söyləyir. Əksəriyyət yeni variantla razılaşsa da bir oğlan Lamborghini oyuncağında israr edir. Onun markaya bü cür bağlılığını sezən test-pilot Marko Mapelli uşağa Aventador SVJ oyuncağını verir və əsl superkarda əyləşmək imkanı yaradır. Qeyd edək ki, Lamborghini Aventador SVJ italyan markasının tarixində ən güclü və ən sürətli model sayılır.