Qazaxda körpələrin sağlam ruhda böyüməsi, yüksək şəraitli bağçalarda tərbiyə alımasını təmin etmək məqsədilə şəhər 6 saylı körpələr-evi uşaq bağçası yenidənqurmadan sonra istifadəyə verilib. 5 qrupdan ibarət bağça 90 yerlik. Binanın məşğələ, tibb və musiqi otaqları var. Mərkəzi qazanxana sistemi istiliklə təminat baxımından çətinlikləri aradan qaldıracaq. Qazaxda 25 uşaq bağçasından 18-i müasir tələblər səviyyəsindədir. Ötən il Qazax şəhər 2 və 3 saylı, eləcə də İkinci Şıxlı kənd 2 saylı körpələr evi uşaq bağçaları əsaslı təmir edilib. Proses bu il də davam edəcək. Yenilənən bağçada yaradılan şəraitlə tanış olan rayon rəsmləri və valideynlərin nəzərinə uşaqların gündəlik qidalanmasının diqqət mərkəzində saxlanıldığı çatdırılıb.

Natiq Hüseyn