Masallıda külli miqdarda narkotik vasitə qanunsuz dövriyyədən çıxarılıb. Rayon Polis şöbəsi əməkdaşları əldə edilmiş məlumat əsasında şəhər sakini, əvvəllər məhkum olunmuş Mehman Ağabalayevin yaşadığı evdə əməliyyat-axtarış tədbirləri keçiriblər. Nəticədə oradan çəkisi 2,6 kiloqramdan çox tiryək, həmçinin heroin və yüksək təsiredici xüsusiyyətə malik olan metadon, tramadol və metamfetamin aşkar edilərək götürülüb. Fakt üzrə cinayət işi başlanılıb.