Kürdəmir RPŞ-nin əməkdaşları şəhər sakini 51 yaşlı Qalib Zərbaliyevi şübhəli şəxs qismində saxlayıblar.Polis Şöbəsində onun üzərində axtarış aparılıb, 3,3 qram çəkidə qurudulmuş marixuana aşkar edilərək götürülüb. Zərbaliyev yaşadığı evin həyətində də qurudulmuş marixuana saxladığını deyib. Baxış zamanı 1 ədəd kibrit qutusunda 8,1 qram çəkidə qurudulmuş marixuana, həmçinin evin zirzəmisindən 1 ədəd əl qumbarası, 1 ədəd 7,62 mm, 1 ədəd 5,45 mm çaplı avtomat güllələri, 1 ədəd 9 mm çaplı tapança gülləsi aşkarlanaraq götürülüb. Faktla bağlı zəruri istintaq əməliyyat tədbirləri davam etdirilir. Qalib Zərbaliyev əvvələr də narkotik maddələrin kultivasiyası ilə məşğul olduğuna görə 2 dəfə məhkumluq həyatı yaşayıb.