Şəmkir Rayon Polis Şöbəsinə 34 yaşlı Xəyal Məmmədovun narkotik vasitələrin qanunsuz dövriyyəsi ilə məşğul olduğu barədə əməliyyat məlumatı daxil olub. Şübhəli şəxs qismində saxlanılan Məmmədovun üzərinə Şöbədə baxış keçirən əməliyyatçılar ondan şəxsi istehlak miqdarından artıq çəkidə heroin aşkarlayaraq götürüblər. Saxlanılan şəxs narkotik vasitəni Gəncə şəhərində tanımadığı adamdan öz istifadəsi üçün əldə etdiyini deyib. Əvvəllər bir neçə dəfə müxtəlif maddələrlə məhkumluq həyatı yaşayan Məmmədov barəsində cinayət iş açılıb. İstintaq aparılır.

Mehrab Məmmədov - baş müstəntiq: Rayon polis şöbəsinin əməkdaşlarının keçirdikləri əməliyyat tədbirləri zamanı əvvəllər Azərbaycan Respublikası Cinayət Məcəlləsinin 234.1 və 177.2.3-cü maddələri ilə bir neçə dəfə məhkum olunmuş və məhkumluğu ödəniilməmiş və ya üzərindən götürülməmiş Şəmkir rayon sakini Məmmədov Xəyal Azər oğlu şübhəli olduğu üçün saxlanılmış onun üzərində şəxsi axtarış aparan zaman əynində olan qara rəngli gödəkçənin sağ yan cibindən gümüşü rəngli siqaret kağızına bükülmüş küstar üsulla hazırlanmış şəxsi istehlak miqdarından artıq yəni 1,534 qram çəkidə heroin aşkaralanaraq götürülüb.

Xəyal Məmmədov - saxlanılan şəxs: Tanımırdım yolda tanış olduq. Mənim üçün təşkil etdi. Dedi var kimnənsə ala bilərəm. Sonrakı peşmançılıq fayda verməz deyiblər.

Natiq Hüseyn