Bərdə rayonunda "İnstitut meşəsi" adlanan ərazidə yerləşən evdə partlayış olub. Rayon sakini Hədiyyə Allahverdiyevaya məxsus evdə qaz sobasının partlaması nəticəsində yanğın baş verib. Evdə olan 2 nəfər - Elvin Vəliyev və Elmin Hacıyev müxtəlif dərəcəli bədən xəsarətləri alıblar. Yaralılar xəstəxanaya yerləşdiriliblər. Faktla bağlı Bərdə rayon Prokurorluğunda araşdırma aparılır.