Şəki şəhərində piyadanın vurulması ilə nəticələnən yol-nəqliyyat hadisəsi baş verib. Qəza şəhərin Sabit Rəhman küçəsində qeydə alınıb. Balakən rayon sakini 50 yaşlı Ramiz Ömərov yolu keçmək istəyən zaman Şəki sakini Ülvi Məmmədlinin idarə etdiyi "VAZ-2106" markalı avtomobillə vurulub. Nəticədə Ömərov müxtəlif dərəcəli bədən xəsarətləri ilə Şəki Rayon Mərkəzi Xəstəxanasına çatdırılıb və Reanimasiya şöbəsinə yerləşdirilib. Vəziyyəti ağır qiymətləndirilir. Faktla bağlı araşdırma aparılır.