Paytaxtın Nizami rayonu, Mikayıl Əliyev küçəsində toydan çıxıb yolu keçmək istəyən Adil Əliyevi maşın vurub. Hadisədən sonra sürücü yaralını xəstəxanaya çatdırıb. Az sonra zərərçəkənin qohumları tibb müəssisəsinə gələrək sürücüyə hücum ediblər. Hadisə barədə dərhal polisə məlumat verilib. Sürücü polis idarəsinə, avtomobili isə cərimə meydançasına aparılıb. Faktla əlaqədar avtotexniki ekspertiza təyin edilib.