Audi şirkəti və Blue Sky Studios studiyasının “Maskalanmış casuslar” (“Spies in Disguise”) adlı cizgi filmi üçün virtual avtomobil hazırlayıb. Baş rolu isə məşhur Hollivud aktyoru Uill Smit səsləndirir. RSQ e-tron, “Mən robotam” filmindəki Audi RSQ modelinin davamı hesab olunur. Həmin filmdə də baş rolu Uill Smit canlandırıb. Dizayn müəyyən qədər R8 superkarı və 680 at güclü PB18 e-tron prototipindəkinə bənzəyir. Cizgi filmdəki sportkar avtopilotlu, arxanı göstərən kamerası olan, holoqramlı alətlər paneli və müxtəlif “casus” cihazları ilə dolu elektrokardır. Cizgi filmi gələn ilin yay aylarında ekranlara çıxacaq.