DİN-in Baş Cinayət Axtarışı İdarəsi, İmişli və Masallı RPŞ əməkdaşları tərəfindən əməliyyat tədbirləri həyata keçirilib və oğurluq edən Nahid Süleymanov saxlanılıb. Onun Masallı rayon sakini, əvvəllər məhkum olunmuş Bəxtiyar Ələsgərovla birgə daha 2 mağazadan pul, danışıq kartları və tütün məmulatı oğurlaması müəyyən edillib. Görülmüş tədbirlərlə Bəxtiyar Ələsgərov yaxalanıb. Süleymanovun Masallı rayonu ərazisində 1 mağazadan pul, tütün məmulatı, ərzaq məhsulu və məişət əşyaları, habelə cari ilin iyul-sentyabr aylarında Bərdə rayonu ərazisində daha 3 mağazadan tütün məmulatı oğurlaması da müəyyən edilib.