Gömrükçülər&nbsp;xeyli miqdarda dərman preparatlarının ölkəyə qanunsuz yolla gətirilməsinə cəhdin qarşısını alıblar.<br>İstanbul-Bakı aviareysilə gələn Azərbaycan vətəndaşı Əjdər Kərimov gömrük nəzarətini "yaşıl dəhliz"lə keçərkən saxlanılıb və çantalarının rentgen aparatında yoxlanılması üçün "qırmızı dəhliz"ə yönləndirilib. Çantalarda dərman preparatlarının olduğu müəyyən edilib.<br>Əjdər Kərimov İstanbuldan tanışı Samir Bağırlı ilə birlikdə gəldiyini, malların da ona məxsus olduğunu deyib.<br>Gömrük zonasını tərk edən Bağırlının olduğu yer müəyyən edilib və o, baqajının təkrar yoxlanılması üçün geriyə qaytarılıb.<br>Ona məxsus&nbsp;2 ədəd əl çantasında və 4 ədəd baqajda əvvəlcədən gömrük nəzarətinə təqdim edilməmiş, yazılı və ya elektron formada bəyan edilməmiş 137 adda dərman preparatı, qida əlavəsi, tibbi ləvazimat və 35 ədəd eynək aşkar olunub.