Amazon şirkəti Sietldə Alexa səs köməkçisi ilə inteqrasiya olunan “ağıllı” mikrodalğalı soba təqdim edib. AmazonBasics adlı qurğu Alexa Connect Kit proqramı sayəsində səs əmrlərini yerinə yetirir. Bu dəst özündə Wi-Fi və Bluetooth LE modullarını özündə birləşdirir. Onlar avtomatik və təhlükəsiz şəkildə Amazonun bulu servisinin idarəetməsinə qoşulur. AmazonBasics-in öz mikrofonu yoxdur. Alət digər Echo cihaza blutuz vasitəsilə qoşulur. Mikrodalğalı soba onlarla sürətli səs əmrlərini anlayır və siz sadəcə Alexanı səsləməklə yemək hazırlaya bilərsiz. Yeməyi daha tez isitmək üçün Ask Alexa xüsusi düyməsini basmaqla məsələn “2 dəqiqə və 30 saniyə orta güclə” əmrini verə bilərsiniz.