Bir neçə gün öncə Kür çayının Tovuz rayonunun Hunanlar kəndi ərazisindən keçən hissəsində batan gəncin meyiti tapılıb. Rayonun Cəlilli kənd sakini 20 yaşlı Elxan Quliyev avqustun 29-da çayda çimərkən boğulub. Axtarışlara Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları, Aviasiya dəstəsinin "Mi-17-1V" helikopteri, Gəncə Regional Mərkəzinin şəxsi heyəti, Xüsusi Riskli Xilasetmə Xidmətinin dalğıc-axtarış qrupu və xilasediciləri cəlb olunub. Gəncin meyiti aidiyyəti üzrə təhvil verilib.