Salyanda 48 yaşlı qadını maşın vurub. Hadisə Ələt-Astara magistral yolunun rayonun Şorsulu kəndi ərazisindən keçən hissəsində qeydə alınıb.  Belə ki, kənd sakini Südabə Abışova yolu keçmək istəyən zaman “Mersedes” markalı minik avtomobili ilə vurulub.  Sürücü müxtəlif dərəcəli bədən xəsarətləri alan  qadını Salyan Mərkəzi Rayon Xəstəxanasına çatdırıb.Qəzanın səbəbləri araşdırılır.