Qurban bayramı ilə əlaqədar Gəncədə heyvanların satış yarmarkası təşkil edilən yerlərdə dezinfeksiya tədbiri başa çatdırılıb. Əraziyə kimyəvi məhlullar səpilib, işlər mexaniki dezinfeksiyaedici qurğulardan istifadə edilməklə də aparılıb. Gəncə şəhər Baytarlıq İdarəsindən verilən məlumata görə, Qurban bayramı ərəfəsində şəhər ərazisində iri və xırdabuynuzlu heyvanların  satışı baytar həkimlərin nəzarəti altında aparılıb. Heyvanlar baytarlıq-sanitariya normalarına uyğun yerlərdə alıcılara təklif olunub.

İmamverdi Bayramov Gəncə Şəhər Baytarlıq İdarəsinin rəisi müavini:Bayram ərəfəsində qabaqlayıcı məqsədlə dezinfeksiya işləri aparılmış ərazilərdə, heyvanlar gətirilərək satılmış, daha sonra həmin yerlərdə dezinfeksiya işləri aparılıb. Satılan heyvanlar arasında xəstəlik qeydə alınmayıb. Bu gün Gəncə şəhər ərazisində epizzoodik durum sabit olaraq qalır.