Gədəbəydə sürücünün ölümünə səbəb olan ağır qəza qeydə alınıb. Hadisə rayonun Saratovka kəndinin ərazisində baş verib. Qaraməmmədli kənd sakini, 60 yaşlı Mazahir Quliyev sükanı arxasında olduğu "VAZ-2121" markalı avtomobilin idarəetməsini itirib. Nəticədə maşın aşıb. Sürücü aldığı ağır xəsarətlərdən hadisə yerində dünyasını dəyişib. Qəzanın səbəbləri araşdırılır.