Mingəçevirdə xəsarətlə nəticələnən yol nəqliyyat hadisəsi baş verib. Şəhərin Samux küçəsində “VAZ 21012” markalı maşın “VAZ 21015” markalı avtomobillə toqquşub. Nəticədə hər iki sürücü - 41 yaşlı Nurəddin Həşimov və 47 yaşlı Nəriman Baxşəliyev müxtəlif dərəcəli bədən xəsarətləri alıblar. Hər iki yaralı xəstəxanaya yerləşdirilib. Tovuzda isə 5 yaşlı uşağın iştirakı ilə qəza olub. Rayonun Əsrik Cırdaxan kəndində Nihad Əhmədovu avtomobil vurub. Azyaşlı öncə Tovuz rayon Mərkəzi Xəstəxanasına çatdırılıb, daha sonra isə Gəncədə yerləşən tibb ocaqlarının birinə göndərilib. Vəziyyətinin kafi olduğu bildirilir. Polis faktları araşdırır.