Cüdo üzrə gənc oğlanlardan ibarət Azərbaycan yığma komandası Göygöl İdman Olimpiya Kompleksində keçirdiyi təlim-məşq toplanışını başa vurub. Tatami ustaları iki həftə müddətində hazırlıq keçiblər. Toplanışa millinin baş məşqçisi Elçin İsmayılovun rəhbərliyi altında 40-a yaxın cüdoçu qatılıb.  Hazırlıq prosesində Fransa yığması, eləcə də Polşa və Rusiyadan olan fərdi idmançılar da yığmamızın üzvləri birgə ilə məşq ediblər. Cüdoçular  gündə iki dəfə taktiki-texniki və fiziki dözümlülüyün artırılması üzərində çalışıblar. Komandamız təqvim planına uyğun olaraq qarşıdan gələn mühüm yarışlara hazırlaşır.

Azad Rəfi